Жұма күні Әбдімәжіт мешіті жамағатына тағылымды насихат айтылды. Жиында Естай мешіті имамы Халбаев Мұхтар Мэльсұлы «Ынтымақ – бірліктің бастауы» тақырыбында уағыз жүргізді.

Насихат барысында имам мұсылман қауымының берекесі мен татулығы бірлікке байланысты екенін атап өтті. Ол адамдардың бір-біріне құрметпен қарап, ауызбіршілікті сақтауы қоғам тыныштығының негізі екенін жеткізді. Сондай-ақ ата-бабамыздан аманат болған ынтымақ пен сыйластықты сақтау әрбір азаматтың міндеті екеніне тоқталды.

Жұма насихаты соңында жамағат елдің амандығы мен жұрттың тыныштығы үшін дұға жасап, айтылған тағылымды сөздер көпшілікке ой салды.