Қазақстан мұсылмандары діни басқармасының «QAMQOR-SHARAPAT» жобасы аясында Қосақ ауылындағы зират аумағында тазалық және абаттандыру жұмыстары жүргізілді. Игі шараға аудан имамы Қанат Әділханұлы бастаған жамағат, ерікті жастар және жергілікті тұрғындар белсене қатысып, зират аумағын қоқыстан тазалап, шөптерді орып, қоршау маңын ретке келтірді.

Сенбіліктің басты мақсаты – мұсылман зираттарының тазалығын сақтау, өткендерге құрмет көрсету және қоғамда жауапкершілік мәдениетін қалыптастыру. Шара барысында имам жамағатқа зират әдебі мен тазалықтың маңызы жайында қысқаша насихат айтып, бұл игі істің сауапты амал екеніне тоқталды.

Аталған бастама – қоғамда ізгілік пен бірлікті нығайтуға бағытталған маңызды қадамдардың бірі. Осындай шаралар алдағы уақытта да жалғасын табатын болады.