Әл-Әділ мешітінде шәкірттердің ұйымдастыруымен жүрекке жылу сыйлаған қайырымдылық жәрмеңкесі өтті. Іс-шараның басты мақсаты – мұқтаж жандарға қолдау көрсету, қоғамда мейірімділік пен жанашырлық құндылықтарын дәріптеу болды.

Жәрмеңкеге мешіт шәкірттері белсене қатысып, өз қолдарымен дайындаған түрлі тағамдар мен ұлттық нақыштағы бұйымдарын көпшілік назарына ұсынды. Келушілер де игі бастамаға қолдау білдіріп, шараның жоғары деңгейде өтуіне үлес қосты.

Қайырымдылық жәрмеңкесі барысында мешіт ауласында ерекше жылы әрі әсерлі атмосфера қалыптасып, жиналған қауым ізгілік пен бірліктің жарқын үлгісіне куә болды.

Мұндай тағылымды шаралар қоғамдағы жанашырлық пен өзара қолдауды нығайтып қана қоймай, жастардың қайырымдылыққа деген көзқарасын қалыптастырып, олардың бойындағы адамгершілік қасиеттердің артуына үлкен ықпал етеді.