Жамбыл облысы Тұрар Рысқұлов аудандық «Сұлтан» орталық мешітінде Жамбыл облыстық мешіттің наиб имамы Нұрлан Мұрат отбасылық тәрбиеге қатысты кездесу жасап, рухани-тағылымдық жиын өткізді. Кездесу «Отбасылық тәрбие және адал қоғам» тақырыбына арналды.

Жиында аудан кураторы Нұрлан имам мазмұнды баяндама жасап, отбасы институтының қоғамдағы орны, ұрпақ тәрбиесіндегі ата-әженің рөлі, ұлттық құндылықтар мен діни тәрбиенің сабақтастығы жөнінде терең ой қозғады.

 Имам өз сөзінде адал қоғамның негізі – адал отбасы, ал адал отбасының тірегі – дұрыс тәрбие екенін атап өтті. Ислам дініндегі отбасылық құндылықтар, үлкенге құрмет, кішіге ізет, жауапкершілік пен аманат ұғымдарының маңызы кеңінен түсіндірілді. 

 Қуаныш Түзелбеков

Рысқұлов аудандық мешіттің баспасөз қызметі