Аудандық орталық "Бәйдібек" мешітінің наиб имамы Азамат Балходжаев сабаққа келген жамағатқа «Құран оқудың артықшылықтары» тақырыбында насихат жұмысын жүргізді. Кездесудің негізгі мақсаты – қасиетті Құран Кәрімнің адам өміріндегі маңызын түсіндіру болды. Имам өз сөзінде Құран оқудың рухани тазалыққа, жүрек тыныштығына жетелейтінін атап өтті.

Сонымен қатар, Құран аяттарын оқу арқылы адам бойында сабыр мен шүкіршілік қасиеттері қалыптасатыны айтылды. Насихат барысында Құранды дұрыс, тәжуид қағидаларымен оқудың маңыздылығы түсіндірілді. Жамағатқа күнделікті өмірде Құран оқуды әдетке айналдырудың пайдасы кеңінен баяндалды. Имам Құран үйренудің әрбір мұсылман үшін сауапты іс екенін ерекше жеткізді. Сабақ барысында қатысушыларға мысалдар келтіріліп, рухани тұрғыда терең мағлұматтар берілді. Жамағат өздерін толғандырған сұрақтарын қойып, нақты жауаптар алды.

Кездесу жылы әрі мазмұнды форматта өтті. Қатысушылар насихаттан үлкен әсер алып, өз ризашылықтарын білдірді. Мұндай сабақтар имандылықты арттыруға және діни сауаттылықты нығайтуға үлкен септігін тигізеді. Кездесу соңында жамағат Құран оқуды тұрақты түрде жалғастыруға ниет білдірді.

Жамбыл аудандық орталық мешітінің баспасөз қызметі