Аққұм ауылында “Исламдағы бала тәрбиесі” тақырыбында уағыз-насихат өтті. Аққұм ауылындағы "Тұңғатар ата" мешітінде жамағатқа арналған рухани кездесу ұйымдастырылды.

Шара барысында мешіт имамы Абатов Дәурен жиналған қауымға исламдағы бала тәрбиесі тақырыбында уағыз-насихат айтты. Имам өз сөзінде бала тәрбиесінің исламдағы орны, ата-ананың жауапкершілігі және ұрпаққа дұрыс тәлім-тәрбие берудің маңызы туралы кеңінен түсіндірді.

Сондай-ақ, ізгілікке негізделген тәрбие арқылы қоғамның берекесін арттыруға болатынын атап өтті. Кездесу соңында жамағат тарапынан қойылған сұрақтарға жауап беріліп, шара мазмұнды әрі тағылымды өтті.

"Тұңғатар ата" мешітінің баспасөз қызметі.