Әбдібай ата мешітінде тазалық жұмыстары ұйымдастырылды. Әбдібай ата мешітінің имамы Омаров Абай мешіт жамағатымен бірге сенбілік өткізіп, мешіт ауласын күл-қоқыстан тазалау жұмыстарын жүргізді.

Шара барысында жамағат мешіт аумағын ретке келтіріп, айналаны тазарту жұмыстарын бірлесе атқарды. Мұндай игі іс мешіттің көрікті келбетін сақтауға және тазалық мәдениетін қалыптастыруға бағытталды. Сенбілік соңында қатысушыларға алғыс айтылып, осындай ортақ игі істердің жалғасуы қажеттігі атап өтілді.

"Әбдібай ата" мешітінің баспасөз қызметі.