Талас ауданында “Ислам және отбасы” тақырыбында уағыз-насихат өтті. Талас ауданында Қазақстан мұсылмандары діни басқармасының биылғы жылды “Ислам және отбасы” жылы деп бекітуіне орай жамағатпен рухани кездесу ұйымдастырылды. Іс-шара барысында ауданның бас имамы Жалғасбай Дүйсенбайұлы кең көлемді уағыз-насихат айтып өтті.

Уағызда отбасы құндылықтарын нығайту, ата-ана мен бала арасындағы сыйластық, некенің беріктігі және исламдағы отбасы институтының маңызы жан-жақты түсіндірілді. Сондай-ақ, қоғамдағы ізгілік пен тұрақтылықтың негізі – берік отбасы екені атап өтілді. Кездесу соңында жамағат тарапынан сұрақтар қойылып, тұшымды жауаптар берілді. Шара рухани мазмұнға толы өтіп, қатысушыларға пайдалы ойлар қалдырды.

Аудандық Қаратау қажы би мешітінің баспасөз қызметі.