“Исламдағы жар таңдау” тақырыбында мазмұнды уағыз өтті. Аққұм ауылындағы Тұңғатар ата мешітінде жамағатқа арналған рухани кездесу ұйымдастырылды. Мешіт имамы Абат Дәурен исламдағы жар таңдау тақырыбында кең көлемді, мазмұнды уағыз-насихат айтты. Дәурен имам уағыз-насихат барысында отбасы құрудағы жауапкершілік, жар таңдаудағы негізгі өлшемдер және исламдағы неке құндылықтары туралы кеңінен түсіндірді.

Сондай-ақ, дұрыс таңдау жасау отбасының берекесіне және қоғамның тұрақтылығына ықпал ететіні атап өтілді. Жиын барысында жамағат тақырыпқа қатысты ой-пікірлерін білдіріп, өмірлік тәжірибеден мысалдар келтірілді. Шара мазмұнды өтіп, қатысушыларға рухани тұрғыдан пайдалы әсер қалдырды.

"Тұңғатар ата" мешітінің баспасөз қызметі.