Ислам діні адамзатты ең алдымен Аллаға иман келтіруге, одан кейін сол иманның аясында игі амал жасауға шақырады. Қасиетті Құран Кәрімде көптеген аяттарда иман мен амалдың қатар айтылуы – олардың бір-бірінен ажырамас ұғым екенін көрсетеді.

Еңбек етудің, сауапты іс жасаудың артықшылығы жөнінде ардақты Пайғамбарымыз (оған Алланың салауаты мен сәлемі болсын) көптеген хадистерінде насихат еткен. Солардың бірінде: «Кімнің қолында бір көшет болса, қиямет басталып кетсе де, оны отырғызуға шамасы жетсе, дереу отырғызсын», – деп өсиет қалдырған.

Осы орайда Қордай ауданы, Жамбыл ауылындағы «Ал-Хафиз» мешітінде жеміс ағаштарының көшеттері отырғызылды. Мешіт аумағын көркейтуге бағытталған бұл игі іске жамағат белсене атсалысты. Игі бастамаға үлес қосқан барша жандардың амалдары қабыл болып, ниеттері мен мұраттары асыл болсын!

Аудандық «Қордай» мешіті баспасөз қызметі