Жамбыл облысы, Байзақ ауданы, Түймекент ауылы «Түймекент» мешітінде Байзақ ауданының бас имамы Қанат Әділханұлы пәтуа сағатын өткізіп «Шәууәл оразасы» жайлы насихатын айтып, жамағаттың сұрақтарына жауап берді.

Қанат Әділханұлы насихатында: «Шәууәл айында ұсталған ораза – Рамазаннан кейінгі үлкен сауапқа жеткізетін игі амалдардың бірі. Пайғамбарымыз (оған Алланың салауаты мен сәлемі болсын) хадисінде: «Кім Рамазан оразасын ұстап, артынан Шәууәл айынан алты күн ораза ұстаса, ол бір жыл бойы ораза ұстағанмен тең» деген. Бұл – Алланың құлдарына берген үлкен нығметі мен мүмкіндігі. Шәууәл оразасы пенденің Рамазандағы құлшылығын жалғастырып, нәпсісін тәрбиелеуге, тақуалығын арттыруға себеп болады. Сондықтан бұл мүмкіндікті жібермей, шынайы ықыласпен ораза ұстап, сауапқа кенелуге тырысқан абзал», - деп, Шәууәл айының маңыздылығы мен мол сауабы жайлы жамағатпен бөлісті.