Ардақты Пайғамбарымыз (оған Алланың салауаты мен игілігі болсын): «Тазалық – иманның жартысы» деген хадисі арқылы мұсылмандарды тазалыққа ерекше мән беруге шақырған. Расында, мұсылман үшін ең абзал құлшылық – намаз. Ал намаздың дұрыс болуы үшін адамның денесі, киімі және намаз оқитын орны нәжістен таза болуы шарт. Осы талаптардың бірі орындалмаса, намаз да толыққанды қабыл болмайды.

Сондықтан тазалық – әрбір мұсылманның өміріндегі маңызды амалдардың бірі. Осы мақсатта Қордай ауданы, Қарасу ауылындағы «Ал-Хади» мешітінде имам Русланбек Сағынұлының ұйымдастыруымен сенбілік жұмыстары жүргізілді. Мешіт аумағы тазартылып, айналасы ретке келтірілді. Іс-шараға белсенді қатысқан барша жамағатқа Алланың нұры жаусын! Еліміз аман, жұртымыз тыныш, айналамыз әрдайым таза болсын!

Аудандық «Қордай» мешіті баспасөз қызметі