Табиғат аясында ауыл имамдарының қатысуымен тир ату бойынша шағын жарыс өтті. Шараның мақсаты – мергендік қабілетті шыңдау, зейін мен ұқыптылықты арттыру, сондай-ақ имамдар арасындағы бауырластықты нығайту.

Жарыс барысында қатысушылар нысана көздеп, дәлдік пен сабырлылықтарын көрсетті. Іс-шара имамдардың жан-жақтылығын танытып қана қоймай, тәртіп пен жауапкершілік секілді маңызды қасиеттерді дәріптеуге ықпал етті. Шара соңында қатысушылар мұндай тағылымы мол кездесулердің алдағы уақытта да жалғасын табуына ниет білдірді.