Жамбыл облысы, Байзақ ауданы маңында сауықтыру орталығында Ауыл имамдары арасында салауатты өмір салтын насихаттау мақсатында шағын футбол ойыны ұйымдастырылды.

Достық форматта өткен бұл спорттық шарада имамдар бір-бірімен бауырластық қарым-қатынасты нығайтып, ұйымшылдық пен ауызбіршіліктің үлгісін көрсетті. Ойын барысында қатысушылар тек спорттық шеберліктерін байқап қана қоймай, рухани қызмет пен денсаулықтың өзара тығыз байланысты екенін де айқын аңғартты. Шара соңында қатысушылар мұндай игі бастамалардың жалғасын табуы қажет екенін атап өтіп, салауатты өмір салтын ұстанудың маңыздылығына ерекше тоқталды.