Тараз қаласындағы "Құрал қажы" мешітінде ұйымдастырылған қайырымдылық шарасы өз жалғасын тапты.

   Игі бастама аясында Тектұрмас кесенесі маңында, "Һибатулла Тарази" медресе-колледж шәкірттеріне және бір мұқтаж жанға ет таратылып, үлкен сауапты іс жүзеге асты. Бұл - жамағаттың бірлігі мен кең пейілін көрсететін жарқын үлгі болды.

   Шара барысында қатысушылар бір - біріне қолдау білдіріп, мейірім мен жанашырлықтың маңызын терең сезінді. Осындай игі істер қоғамдағы татулық пен бауырмалдықты нығайтып , адамдар арасындағы сенімді арттыра түседі.

   Ұйымдастырушылар алдағы уақытта да қайырымдылық шараларын жиі өткізіп, мұқтаж жандарға көмек көрсетуді жалғастыратынын жеткізді.