Далақайнар ауылы «Далақайнар» мешітінің имамының бастамасымен «Таза Қазақстан» жобасы аясында ауыл тұрғындары мешіт маңында көгалдандыру жұмыстарын жүргізді.

Игі шара барысында жамағат бірігіп, ағаштар отырғызып, айналаны қоқыстан тазартып, тазалық жұмыстарын атқарды. Ауыл тұрғындары бұл іске белсенді қатысып, туған жерді көркейтуге өз үлестерін қосты.

Аталған бастама – қоршаған ортаны қорғау, табиғатты аялау және ауылдың келбетін жақсартуға бағытталған маңызды іс-шаралардың бірі.

Шу аудандық «Жәми» мешітінің баспасөз қызметі.