Шу ауданы әкімдігінде «Қоғамдық мәдениет және моральдық дәстүрлер» тақырыбында мазмұнды дөңгелек үстел ұйымдастырылды. Іс-шараны Шу ауданының бас имамы Алмас Кенжемолдаев жүргізіп, мекеме қызметкерлерімен рухани-танымдық кездесу өткізді.

Кездесу барысында қоғамдағы мәдениет пен моральдық құндылықтардың маңызы кеңінен талқыланып, ұлттық дәстүрлердің адам тәрбиесіндегі орны ерекше атап өтілді. Бас имам өз сөзінде салт-дәстүр мен діннің сабақтастығына тоқталып, олардың қоғамдағы бірлік пен тұрақтылықты нығайтудағы рөлін түсіндірді.

Қатысушылар тарапынан қойылған сұрақтарға нақты жауаптар беріліп, ой-пікірлер ортаға салынды. Аталған дөңгелек үстел – қоғамда ізгілік пен парасаттылықты дәріптеуге, ұлттық және рухани құндылықтарды жаңғыртуға бағытталған маңызды іс-шаралардың бірі болды.

Шу аудандық «Жәми» мешітінің баспасөз қызметі.