Шу ауданы Ақтөбе ауылының имамы Абусейт ұйымдастыруымен «Ыстақ Қожа ата» мешітінде әйел-қыздар қауымына арналған «Исламдағы мәйітті жуындыру және кебіндеу» тақырыбында семинар өтті.

Семинар барысында қатысушыларға мәйітті шариғат талаптарына сай жуындыру, кебіндеу тәртібі жан-жақты түсіндірілді. Сондай-ақ бұл амалдардың діни маңызы мен жауапкершілігі кеңінен баяндалып, практикалық тұрғыда да толыққанды мәлімет берілді.

Іс-шараға жиналған әйелдер өздерін толғандырған сұрақтарын қойып, нақты жауаптар алды. Мұндай семинарлар діни сауаттылықты арттырып, қоғамда дұрыс діни түсініктің қалыптасуына ықпал етеді.

Шу аудандық «Жәми» мешітінің баспасөз қызметі.