Аудандық "Бәйдібек" мешітінің ұстазы Жайна Бекназарова шәкірттерге уағыз-насихат айтты. Уағыздың негізгі тақырыбы «Адал қоғам: Мұсылманның қоғам алдындағы жауапкершілігі» болды. Ұстаз өз сөзінде әрбір мұсылманның қоғамдағы орны мен міндетін кеңінен түсіндірді. Адамның тек жеке құлшылығымен шектелмей, айналасына пайдасын тигізуі керектігі айтылды.

Сондай-ақ, көркем мінез-құлық пен адалдықтың қоғам дамуына қосатын үлесі ерекше екені атап өтілді. Шәкірттерге үлкенге құрмет, кішіге ізет көрсету – мұсылмандықтың басты белгілерінің бірі екені жеткізілді. Жақсылық жасау, өзгелерге қолдау білдіру – әрбір иманды жанның борышы екені түсіндірілді. Ұстаз жамағатты жауапкершілікті сезініп, қоғамға пайдалы тұлға болуға шақырды.

Кездесу барысында шәкірттер көкейлеріндегі сұрақтарын қойып, тұщымды жауаптар алды. Уағыз мазмұны жамағаттың ой-өрісін кеңейтіп, рухани дүниесін байыта түсті. Осындай тәрбиелік мәні зор жиындардың маңызы ерекше екені айтылды. Жиын соңында шәкірттер ұстазға алғыстарын білдіріп, алған әсерлерімен бөлісті.

Жамбыл аудандық орталық мешітінің баспасөз қызметі