Елімізде кең көлемде жүзеге асырылып жатқан «Таза Қазақстан» республикалық акциясы аясында Жамбыл облысы, Меркі ауданына қарасты  мешіттерде сенбілік шарасы ұйымдастырылды.

Аталған игі іске аудан имамдары, мешіт қызметкерлері және жамағат белсене атсалысып, мешіт ауласы мен айналасын тазалау жұмыстарын жүргізді. Сенбілік барысында қоқыстар жиналып, ағаштар әктеліп, гүлдер отырғызылып, қоршаған ортаны көркейту жұмыстары қолға алынды.

Бұл шараның басты мақсаты – тазалық мәдениетін қалыптастыру, қоршаған ортаға жанашырлықпен қарауға үндеу және қоғамда экологиялық жауапкершілікті арттыру болып табылады. Ислам дінінде тазалық – иманның бір бөлігі екені белгілі. Сондықтан мұндай бастамалар мешіт жамағаты тарапынан әрдайым қолдау табуда.

Меркі аудандық «Меркі ата» мешітінің баспасөз қызметі