Ардақты Пайғамбарымыз (оған Алланың салауаты мен сәлемі болсын): «Жеті түрлі адамға Алла Тағала ешбір сая жоқ күні Өз саясынан жай береді», – деген. Солардың бірі – «оң қолының бергенін сол қолы көрмейтіндей, садақаны жасырын берген адам» екені айтылған.

Жомарт болу үшін дүние-мүліктің көп болуы шарт емес. Нағыз жомарттық – қолда барды шынайы ниетпен, көмекке мұқтаж жандармен бөлісу. Сондықтан дана халқымыз: «Жомарт болу үшін бай болу міндетті емес. Керісінше, бай болу үшін жомарт болу керек», – деп бекер айтпаған. Осы орайда Қордай ауданы, Сарыбұлақ ауылы «Сахаба» мешітінің имамы Серік Төлегенұлы жомарт жандармен бірге қайырымдылық шараларын жалғастыруда.

Ізгі амалдар арқылы мұқтаж отбасыларға қаржылай және азық-түлікпен 90мың шамасында көмек көрсетіліп, сауапты істер атқарылуда. Алла Тағала жасалған барлық жақсылықтарды қабыл етіп, сауаптан жазсын!

Аудандық «Қордай» мешіті баспасөз қызметі