Пітір садақасы туралы исламдағы дерек, тағылымдары ақтаратын болсақ оның маңыздылығының жоғары екендігін байқаймыз. Рамазан айында әр мұсылман баласы үшін пітір садақасын беру - әрбір мұсылман ер мен әйелге – уәжіп.

Пітір садақасын  беру Хижреттің екінші жылы Рамазан оразасы парыз етілген жылы мұсылмандарға міндеттелген. Аббастан (оған Алла разы болсын) былай деп риуаят етеді: «Алла Елшісі (оған Алланың салауаты мен игілігі болсын) пітір садақаны: адамның оразасы кезіндегі қателіктерінен тазаруы және міскіндерге тағам ретінде көмек болуы үшін міндеттеген». Демек, пітір садақасы адамды қателіктерінен арылтады.

Осы орайда Қордай ауданы, Кенен ауылы «Кенен» мешітінің имамы Саят Рахимовтың ұйымдастыруымен, мұқтаж отбасыларға пітір садақасы таратылды. Оразамыз қабыл, иманымыз кәміл болсын!

Аудандық «Қордай» мешіті баспасөз қызметі