Алла Елшісі Мұхаммед (оған Алланың салауаты мен игілігі болсын) құдси хадисте оразаның Алла алдындағы орны ерекше екенін былай жеткізеді: «Ұлылығы шексіз Алла Тағала: “Адам баласының барлық амалы өзіне тиесілі.

Ал оразаның жөні бөлек. Өйткені ораза Менің разылығым үшін ұсталады. Сондықтан оның сауабын Өзім беремін”, – деген». Осы орайда Кенен ауылында орналасқан «Кенен» мешітінде имам Саят Рахимов ауызашарға жиналған әйел-қыздар жамағатымен кездесті. Басқосу барысында нәзік жандыларды қасиетті Рамазан айымен құттықтап, тағылымы мол насихат айтты.

Жиын барысында оразаның мән-маңызы, рухани тәрбиесі және мұсылман әйелінің қоғамдағы орны жайлы айтылып, жамағатқа пайдалы кеңестер берілді. Алла Тағала ұстаған оразаларымызды қабыл етіп, разылығына бөлейтін амалдардан болуын нәсіп етсін!

Аудандық «Қордай» мешіті баспасөз қызметі