Көркем мінездің ажырамас бөлігі – жомарттық. Құдіретті Жаратушы Алла Тағала Құран аяттарында мұсылмандарды жомарт болуға, игі істер жасап, мұқтаж жандарға қол ұшын созуға үндейді. Осы орайда Жамбыл ауылында орналасқан «Әл-Хафиз» мешітінде қайырымдылық шарасы ұйымдастырылды.

Мешіт имамы Талғат Таукеевтің ұйытқы болуымен және жомарт жандардың демеушілігімен 10 отбасыға азық-түлік көмегі табысталды. Қасиетті айда жасалған әрбір игі істің сауабы еселенері сөзсіз. Алла Тағала берілген садақалар мен жасалған жақсылықтарды қабыл етіп, берекесін арттырсын!

Аудандық «Қордай» мешіті баспасөз қызметі