«Жер бетіндегі барлық жәндіктің ризығы Аллаға тән» деп иман еткен жан қолындағы барын бөлісуден қорықпайды. Керісінше, жомарттық танытып, Жаратушысының берген нығметіне шүкіршілік етеді.

Ол жасаған жақсылығының қарымын ақыреттен күтіп, мұқтаж жандарға қуана қол ұшын созады. Осы орайда Қордай ауданында қасиетті айда қайырымдылық шаралары өз жалғасын табуда. Ауданның бас имамының ұйытқы болуымен тұрмысы төмен отбасыларға көмек көрсетіліп, ізгі істер жүйелі түрде жүзеге асырылуда.

Қиындық көрген жандарға жәрдем берген азаматтардың дұға-тілектері қабыл болып, Алла Тағала баршасына разы болсын!

Аудандық «Қордай» мешіті баспасөз қызметі