Пайғамбарымыз Мұхаммед (оған Алланың салауаты мен игілігі болсын): «Ораза ұстаушының екі қуанышы бар: ауыз ашқанда қуанады және Раббысымен қауышқанда ораза ұстағанына қуанады», – деген.

Осы орайда Қордай ауданындағы аудандық «Қордай» мешітінде қасиетті Рамазан айы бойы ауызашар дастархандары ұйымдастырылып, рухани-танымдық шаралар өткізілді.

Атап айтқанда, жамағатқа арналған уағыз-насихаттар айтылып, білім жетілдіруге бағытталған сұрақ-жауап айдары тұрақты түрде жүргізілді. Жамағат белсенді қатысып, рухани тұрғыдан мол пайдаға кенелді. Алла Тағала баршамызға пайдалы білім мен ғибратты ғұмыр нәсіп етсін!

Аудандық «Қордай» мешіті баспасөз қызметі