Ардақты Пайғамбарымыз Мұхаммед (оған Алланың салауаты мен сәлемі болсын) былай деген: «Жеті түрлі адамға Алла Тағала ешбір сая жоқ күні саясынан жай береді.

Солардың бірі – оң қолының бергенін сол қолы көрмейтіндей, садақаны жасырын берген адам». Осы хадиске сәйкес, Қордай ауданы, Қордай ауылы, Барыс мөлтек ауданындағы «Нұрислам» мешітінде Рамазан айында игі іс-шара ұйымдастырылды. Мешіт имамы Зейне Жұмабайұлының ұйымдастыруымен және қайырымды жандардың қолдауымен 10 отбасыға қайырымдылық көмек көрсетілді.

Шараға жұмсалған жалпы қаражат көлемі 200 000 теңгені құрады. Бұл іс-шара арқылы мұқтаж жандарға қол ұшын беру, жомарттық пен мейірімділікті дәріптеу, сондай-ақ қасиетті Рамазан айының берекесін арттыру мақсат етілді. Алла қабыл алған амалдардан болсын!

Аудандық «Қордай» мешіті баспасөз қызметі