Қордай ауданының бас имамы Азамат Берікұлы Партизан мөлтек ауданында орналасқан «Рахман» мешітінде болып, мешіт кітапханасындағы діни әдебиеттерді зерделеді.

Сапар барысында бас имам мешіттегі кітаптардың мазмұны мен бағыт-бағдарын қарап, жамағатқа ұсынылатын діни әдебиеттердің дәстүрлі ислам құндылықтарына сай болуына назар аударды. Сонымен қатар мешіт кітапханасын жүйелеп, пайдалы әрі танымдық кітаптарды көбейту қажеттігі жөнінде мешіт қызметкерлеріне бірқатар ұсыныстар айтты.

Бұл жұмыстар жамағаттың діни сауатын арттырып, дұрыс діни білім алуына бағытталған.

Аудандық «Қордай» мешіті баспасөз қызметі