«Жексенбай ата» мешітінің имамы Ұзақбай Бадықов ұйытқы болуымен «Көршіңе қуаныш сыйла» акциясы аясында көршілер ауызашар дастарханы басында бас қосты.

Игі шара барысында көршілер бір-бірімен жылы жүздесіп, ауызашар берудің мән-маңызын бөлісті. Жиналғандарға Рамазан айының қадірі, көршілік қатынастың маңызы және жақсылық жасау туралы уағыз-насихат айтылды.

Мешіттің ұйымдастыруымен өткен бұл шара ауылдағы көршілер арасындағы бірлікті нығайтып, игі дәстүрді жалғастыруға бағытталған маңызды іс-шара болды.

Мойынқұм аудандық «Мойынқұм» мешітінің баспасөз қызметі.