Шу ауданы “Жәми” мешітінің әйел-қыздар жамағаты қасиетті Рамазан айында игі бастама көтеріп, ауданымызда қызмет етіп жүрген ұстаздарға арнайы «Рамазан сыйлығын» табыс етті.

Шара барысында ұстаздардың қоғамдағы орны мен еңбегі ерекше атап өтіліп, оларға құрмет көрсетілді. Әйел-қыздар жамағатының бұл ізгі ісі – білім мен тәрбие жолында еңбек етіп жүрген жандарға деген алғыс пен ықыластың көрінісі болды.

Ұстаздар көрсетілген құрметке ризашылықтарын білдіріп, ұйымдастырушыларға алғыстарын жеткізді. Бұл бастама жамағат арасында сыйластық пен бірлікті арттыра түсті.

Шу аудандық “Жәми” мешітінің баспасөз қызметі.