Әбу Һурайра (Алла оған разы болсын) жеткізген хадисте Мұхаммед пайғамбар (оған Алланың салауаты мен игілігі болсын): «Кімде-кім Қадір түнінің қасиетіне сеніп, сауабын үміт етіп, оны құлшылықпен өткізсе, оның өткен күнәлары кешіріледі», – делінген.

Осы орайда Қордай ауданы, аудандық «Қордай» мешітінде ауданның бас имамының бастамасымен Қадір түніне арналған арнайы бағдарлама ұйымдастырылды.

Кеш барысында жамағатқа уағыз-насихат айтылып, нәпіл құлшылықтар орындалды. Сондай-ақ, мешітте ауызашар және сәресі дастарханы жайылып, жамағатқа қызмет көрсетілді. Қасиетті айда жасалған дұға-тілектер мен құлшылықтар қабыл болсын! Алла Тағала баршамызды разы болған құлдарының қатарынан етсін!

Аудандық «Қордай» мешіті баспасөз қызметі