Кенен Әзірбаев (1884–1976) – қазақтың әйгілі халық ақыны, әнші-композиторы, Қазақстанның еңбек сіңірген өнер қайраткері, КСРО Жазушылар және Композиторлар одақтарының мүшесі.

Қордай ауданының ұстаздары, әжелері мен шәкірттері Кенен ауылында орналасқан ақынның мұражайына арнайы барып, тағылымды сапар жасады. Зиярат барысында олар халқымыздың біртуар перзентінің өмірі мен шығармашылығына қатысты көне жәдігерлермен танысып, ерекше рухани әсер алып қайтты.

Тағылымға толы бұл сапар жамағаттың рухани дүниесін байытып, ұлттық құндылықтарға деген құрметін арттыра түсті. Адамзатқа пайдалы, Аллаға сүйікті болайық!

Аудандық «Қордай» мешіті баспасөз қызметі