Қасиетті Қадір түні қарсаңында «Мойынқұм» мешіті және «Досекеұлы Абсат» мешітінде жамағатқа қолайлы жағдай жасау мақсатында тегін такси қызметі ұйымдастырылды.

Бұл игі бастама тарауық намазына келген жамағаттың мешітке қатынап, құлшылықтарын алаңсыз атқаруына мүмкіндік жасау үшін қолға алынды. Аталған қызмет арқылы тұрғындар мешітке жеткізіліп, намаздан кейін үйлеріне қайтуына жағдай жасалуда.

Мешіт ұжымы бұл шараның негізгі мақсаты – қасиетті түнде жамағаттың құлшылығына қолайлы жағдай жасап, елге қызмет ету екенін атап өтті.

Мойынқұм аудандық «Мойынқұм» мешітінің баспасөз қызметі.