Жамбыл облысы Байзақ аудандық «Байзақ баба» мешітінде «Ислам және адал қоғам» жылы аясында қасиетті қадір түнінде бүлдіршіндер арасында мақал-мәтел сайысы өтті.

Сайыс барысында аудан бас имамы Қанат Әділханұлы: « «Сөз мәйегі - мақал», - дегендей, ата-бабамыздан қалған өсиет сөздері арқылы адамгершілікке, ойын нақты, дұрыс жеткізуге, тапқыр сөйлеуге үйрету және сөз өнері арқылы бүлдіршіндердің дүниетанымын кеңейту, тапқырлыққа, даналыққа тәрбиелеу», - деп сайысқа қатысушыларға сәттілік тіледі.

 Әрбір сайысқа қатысқан кішкентай бүлдіршіндерге рамазан сыйы берілді.