Алла елшісі (оған Алланың салауаты мен игілігі болсын): «Парыз намаздардан соң ең абзал намаз – түнгі намаз», – деген. Түннің бір уақытында тәтті ұйқысынан тұрып, Алла Тағаланың разылығын іздеп құлшылық ету – мұсылман үшін үлкен сауап.

Мұндай сәтте пенде Раббысының құзырында тұрып, Оның рақымына бөленеді, түрлі жақсылықтарға жетіп, дұғасының қабыл болуына үміт артады. Осы орайда Қордай ауданы, аудандық «Қордай» мешітінде таң намазына дейін таһаджуд намазын оқығысы келетін жамағат үшін мешіттің ертерек ашылуы қадағаланды.

Бұл игі бастама жамағаттың құлшылық жасауына қолайлы жағдай туғызу мақсатында жүзеге асырылды. Қасиетті айда баршамыздың жасаған құлшылықтарымыз бен дұғаларымыз қабыл болсын!

Аудандық «Қордай» мешіті баспасөз қызметі