Шу ауданы «Жәми» мешітінің әйел-қыздар секторы қасиетті Рамазан айының алғашқы Құран хатым дұғасын жасап, рухани мазмұны терең тағылымды бас қосу өткізді.

Берекелі айда бастау алған Құран хатым – жамағаттың ынтымағы мен ықыласының айқын көрінісі болды. Хатым соңында еліміздің амандығы, жұртымыздың тыныштығы, әрбір шаңырақтың берекесі үшін дұға жасалды.

Бұл игі іс – жүректерді нұрландырып, имандылыққа үндейтін рухани қадам. Қасиетті Рамазан айы баршамызға мейірім мен береке, мол сауап пен кешірім әкелсін.

Шу аудандық «Жәми» мешітінің баспасөз қызметі.