Мойынқұм ауданындағы Мәдениет үйінде «Айлардың сұлтаны – Рамазан» атты рухани-танымдық іс-шара ұйымдастырылды.

Кеш барысында қасиетті айдың қадір-қасиетін ұлықтаған әндер шырқалып, тағылымды өлеңдер оқылды. Сонымен қатар, Рамазан айының артықшылықтары, оразаның тәрбиелік мәні мен сауаптары жайында насихат айтылып, көпшілікке рухани ой салынды.

Іс-шараға жиналған қауым қасиетті айдың шапағатын сезініп, бірлік пен бауырмалдықтың маңызын терең түсінді. Рухани мазмұнға толы кеш көпшілікке ерекше әсер сыйлады.

Мойынқұм ауданының «Мойынқұм» мешітінің баспасөз қызметі.