Жамбыл облыстық «Һибатулла Тарази» мешітінің наиб имамы Нұрлан Мұрат Меркі ауданына жасаған іссапары барысында ауданға жаңадан тағайындалған бас имам Дәуіт Сейітқалиұлын жамағатпен таныстырды.

Кездесу барысында наиб имам жаңа бас имамның алдағы қызметіне сәттілік тілеп, жамағатты ауызбіршілікке, мешіт төңірегіндегі рухани жұмыстарға белсенді қатысуға шақырды. Өз кезегінде Дәуіт Сейітқалиұлы сенім артқан көпшілікке алғыс білдіріп, дін қызметін жүйелі жүргізуге күш салатынын жеткізді.

Жиын соңында жамағат игі тілектерін білдіріп, жаңа қызметке ақ батасын берді. Ұлттық құндылықтарды ұлықтап, әжелер мектебінің өнегесін жаңғырту — қоғамның рухани бірлігін нығайтудың маңызды негізі екені атап өтілді.

«Һибатулла Тарази» мешітінің баспасөз қызметі