Жамбыл ауданы, Бірлесу-Еңбек ауылы, "Бірлесу-Еңбек" мешітінің молдасы Сакен Джолдасбаев жамағатқа "Ықылас - шынайылық" тақырыбында уағыз- насихат айтты. Ықылас – жүректің кіршіксіз адалдығы, риясыз ниеті және Аллаға деген шынайы құлшылығы.

Ол әрбір іс-әрекетті, құлшылықты тек Жаратқанның разылығы үшін жасауды білдіреді, сонымен қатар адамдармен қарым-қатынастағы адалдықты қамтиды. Шынайы ықылас амалдардың қабыл болуына, берекеге және екі дүние абыройына себепші болады.  Шынайы ықыластың маңызы мен белгілері: Құлшылықтағы шынайылық: Алла Тағалаға ешкімді ортақ қоспай, тек Оған ғана беріліп құлшылық ету.

Амалдардың қабылдануы: Ықыласпен жасалған кішігірім іс, ықылассыз жасалған үлкен істен артық және сансыз сауапқа кенелтеді. Қиындыққа мойымау: Ақиқат жолында жалғыз қалса да, өсек-аяң мен дұшпандыққа қарамастан мақсатынан таймау.

Рухани береке: Өмірдің берекелі болуына, дұғалардың қабыл болуына және жүрек тыныштығына (иман ләззатына) жол ашады. Ықылас – иманның негізі және шайтанның азғыруынан қорғайтын күш.

Жамбыл аудандық орталық мешітінің баспасөз қызметі