Әйел-қыздар секторының құрылуының 10 жылдығына орай Жамбыл облысы, Байзақ ауданы «Байзақ баба» мешітінің ұстазы Жанат Әмірханқызының ұйымдастыруымен «40 парыз» тақырыбында 3 күндік мастер-класс ұйымдастырылды.

Шара барысында әрбір мұсылман білуі тиіс парыздарға жан-жақты әрі түсінікті түрде тоқталды. Мастер-класс қатысушылардың діни білімін тереңдетіп, парыздарды саналы түрде орындаудың маңызын ұғындыруға бағытталды. Тағылымды кездесулер рухани серпіліс беріп, білім мен амалдың үйлесуіне жол ашты.