«Достық» мешітінің имамы Пирназаров Бауыржан «Исламдағы уақып» тақырыбында қысқаша насихат айтты. Уақып – Алла разылығы үшін мал-мүлікті қоғам игілігіне арнап, сауабы үздіксіз жалғасатын қайырлы іс екені түсіндірілді.

Бауыржан имам уақыптың қоғамдағы әлеуметтік мәселелерді шешуде, мешіт-медреселердің дамуына, мұқтаж жандарға көмек беруде үлкен рөл атқаратынын жеткізді. Бабаларымыз да мешіт, медресе, көпір, құдық секілді халық игілігіне қызмет ететін нысандарды уақып ретінде қалдырып отырғаны тілге тиек етілді.

Имам жамағатты игі бастамаларға үлес қосып, уақып ісін қолдауға шақырды. Алла Тағала жасаған қайырлы амалдарымызды қабыл етсін!

Меркі аудандық «Меркі ата» мешітінің баспасөз қызметі