Шу ауданы «Жәми» мешітінің әйел-қыздар секторының ұйымдастыруымен «Рамазан – адал қоғамды қалыптастыру айы» атты мазмұнды семинар ұйымдастырылды.

Шара барысында қасиетті Рамазан айының қоғам тәрбиесіндегі рөлі, адалдық пен жауапкершілік құндылықтары, отбасы мен ұрпақ тәрбиесіндегі имандылықтың маңызы кеңінен талқыланды. Қатысушыларға Рамазан айының тек құлшылық емес, сонымен қатар мінез-құлықты түзейтін, жүректі тазартатын, қоғамды ізгілікке бастайтын ерекше кезең екені түсіндірілді.

Семинарда пікір алмасу өтіп, қатысушылар көкейдегі сұрақтарын қойып, рухани пайдалы мәліметтер алды.

Шу аудандық «Жәми» мешітінің баспасөз қызметі.