Шу ауданы «Төле би» мешітінің асханасында қасиетті Рамазан айы бойы ауызашар дастарханы жайылуда. Жоспарға сәйкес, ауыл тұрғындарының келуіне қолайлы жағдай жасалып, жамағаттың бір дастархан басында бас қосуына мүмкіндік қарастырылған.

Мешіт имамы Талғат Кәрібайұлының ұйытқы болуымен асхана іші қазақы нақышта безендіріліп, ұлттық ою-өрнектермен әрленді. Бұл безендіру жамағатқа ерекше рухани әрі мәдени сезім сыйлап, Рамазан айының қадір-қасиетін терең сезінуге ықпал етуде.

Ауызашар барысында жамағатқа уағыз-насихат айтылып, бірлік пен бауырмалдықты арттыруға мән берілуде. Мұндай игі бастамалар ауыл тұрғындарының ынтымағын нығайтып, қасиетті айдың берекесін арттыра түсуде.

Шу аудандық «Жәми» мешітінің баспасөз қызметі.