Тараз қаласындағы Жамбыл Жабайұлы мешіті ғимаратында қасиетті Рамазан айына байланысты жұма намазы ұйымдастырылып, рухани мазмұндағы насихат айтылды. Уағызды имам Каримбаев Айбек жүргізді.

   Діни қызметкер өз сөзінде Рамазанның мұсылман үмбеті үшін орны ерекше екенін атап өтті. Бұл ай - Қасиетті Құран түскен, береке мен мейірім молайған, сауаптар еселеніп жазылатын кезең. Ораза адамның нәпсісін тәрбиелеп, сабырын арттырып, тақуалыққа бастайтыны кеңінен түсіндірілді.

   Имам қасиетті айда жасалатын игі амалдардың маңыздылығына тоқталды. Құран оқу, тарауық намазына қатысу, садақа беру, мұқтаж жандарға көмектесу - рухани дәрежені көтеретін сауапты істер екені баяндалды. Әсіресе , отбасы берекесін сақтау, үлкенге құрмет, кішіге ізет көрсету, ауызбіршілік пен ынтымақты нығайту - қоғамның тұтастығын арттыратыны айтылды.