Шу ауданындағы «Хати Сауранбай» мешітінің имамы Бақыт Тилемисовтің ұйымдастыруымен ауылдық мәдениет үйінде мекеме қызметкерлеріне арналған дөңгелек үстел өтті.

«Ислам және адал қоғам» жылы аясында ұйымдастырылған басқосуда «Дінсіз тәрбие – тамырсыз көшет» тақырыбы кеңінен қарастырылды. Кездесу барысында рухани құндылықтардың қоғам өміріндегі орны, адалдық пен жауапкершіліктің маңызы, сондай-ақ жас ұрпақ тәрбиесінде діннің алар рөлі жан-жақты сөз болды.

Шара соңында жиналған көпшілікті қасиетті Рамазан айымен құттықтап, жиналыс мазмұнды ойлармен түйінделді.

Шу аудандық «Жәми» мешітінің баспасөз қызметі.