Шу аудандық Ақтөбе ауылы «Жылғабек» мешітінің имамы Абусейт Қоспановтың ұйымдастыруымен ауыл ақсақалдарының қатысуымен мазмұнды басқосу өтті. Кездесуде әкенің қоғам мен отбасындағы қасиетті орны, «ата сөзі – ата мұраты» ұғымының мәні және тәрбиедегі рөлі жан-жақты талқыланды.

Жиын барысында үлкендер ұрпақ тәрбиесінде әкенің жауапкершілігі мен өнегесінің айрықша екенін атап өтті. Әкенің ақылы мен батасы – баланың өмірлік бағдаршамы екені, ал атадан қалған аманат пен мұратты сақтау – әрбір азаматтың парызы екені кеңінен сөз болды.

Сонымен қатар, бүгінгі жастар тәрбиесі, олардың рухани-адамгершілік құндылықтарды бойына сіңіруі, үлкенге құрмет пен кішіге ізет көрсету мәселелері қозғалды. Ақсақалдар өз өмірлік тәжірибелерімен бөлісіп, ұлттық тәрбиенің негіздерін ұлықтаудың маңызын жеткізді.

Шу аудандық «Жәми» мешітінің баспасөз қызметі.