Аудандық "Бәйдібек" мешітінің наиб имамы Азамат Балхожаев мешіт жамағатына "Уақыт қадірі" тақырыбында уағыз- насихат айтты. Шариғатта уақыт – Алланың үлкен нығметі, қайтарылмайтын аманаты және қылыш секілді өткір құндылық.

Оны босқа жібермеу, игі амалдарға жұмсау – әр мұсылманның міндеті. "Асыр" сүресінде уақыттың адамзаттың басты асылы екені, ал оны тиімсіз пайдалану – үлкен өкініш пен ақыреттегі жауапкершілік деп есептеледі. Уақытты тиімді пайдалану – рухани дамудың белгісі. Пайғамбарымыз (с.а.у.) "Екі нығмет бар, адамдар оның қадірін біле бермейді: денсаулық пен бос уақыт" деп, қияметте уақыттың қалай жұмсалғаны туралы сұралатынын айтқан.

Жамбыл аудандық орталық мешітінің баспасөз қызметі