Жуалы ауданы, Шақпақата ауылдық «Шақпақата» мешітінің алдыңғы кіре беріс қақпасына «Рамазан айы құтты болсын» деген баннер ілінді. Мешіт молдасы Пернебек Көпбосынұлы баннердің орнатылуына қолдау көрсеткен ауыл тұрғындарына, демеушілерге шынайы алғысын жеткізді.

Молда Пернебек Көпбосынұлының айтуынша, баннер тұрғындардың Рамазан айын рухани дайындықпен қарсы алуына мүмкіндік береді және мешіттің қоғамдағы рухани рөлін арттырады. Жуалы ауданының мешіт жамағаты баннердің орнатылуын қуана қабылдап, қасиетті айға байланысты түрлі іс-шараларға белсенді қатысуды жоспарлап отыр.

«Бұл игі бастама ауылымыздағы мешіт пен жамағат арасындағы байланысты нығайтып, мерекелік көңіл-күй сыйлайды», — деді молда Пернебек Көпбосынұлы.

Жуалы аудандық мешітінің баспасөз қызметі.