Жамбыл облысы Тұрар Рысқұлов ауданы Тереңөзек ауылдық «Таңат ата» мешітінің имамы Омаров Ерғали мәдени шараға қатысып, «Адал қоғам» тақырыбында сөз сөйледі.

 Ерғали имам насихатында: «Исламдағы ең басты ұғымдардың бірі – тақуалық пен адалдық. Қасиетті Құранда: «Алла әділдікті, игілікті және туыстарға жақсылық жасауды бұйырады» (Нахл сүресі, 90-аят) деп айтылған. Бұл аят адал қоғамның негізі – әділдік пен ізгілік екенін айқын көрсетеді. Ислам адамды тек жеке құлшылыққа ғана емес, қоғам алдындағы жауапкершілікке де тәрбиелейді.

Адал қоғамның басты тірегі – адал еңбек пен таза табыс. Пайғамбарымыз Мұхаммед (с.ғ.с.): «Адал табыстан жеген ас – ең қайырлы ас» деген. Бұл хадис қоғамда жемқорлыққа, алдау мен қиянатқа жол бермеудің маңызын көрсетеді. Исламда біреудің ақысын жеу, өтірік айту, аманатқа қиянат жасау ауыр күнә саналады,- деп, толықтай баяндап өтті.

 Қуаныш Түзелбеков

Рысқұлов аудандық мешіттің баспасөз қызметі