Қарабөгет ауылы «Қарабөгет» мешітінің имамы жамағатқа арналған пәтуа сағатын өткізді. Кездесу барысында «Салынып жатқан жылжымайтын мүлікті сату» тақырыбы қаралып, шариғат тұрғысындағы үкімдер мен талаптар жан-жақты түсіндірілді.

Имам мұндай сауда түрінің рұқсат етілетін шарттары мен сақталуы тиіс қағидаларына тоқталып, адал мәміле жасаудың маңызын атап өтті. Сондай-ақ жамағат тарапынан қойылған сұрақтарға жауап беріп, күнделікті өмірде кездесетін қаржылық мәселелерге қатысты нақты түсіндірмелер ұсынды.

Тағылымды пәтуа сағаты жамағаттың діни білімін арттырып, шариғат талаптарына сай сауда-саттық жүргізудің маңыздылығын түсіндіруге бағытталды.

Мойынқұм аудандық «Мойынқұм» мешітінің баспасөз қызметі.